எந்த மூலை முடுக்கில் இருந்தாலும் கண்டுபிடிக்கலாம்: வழி சொல்லும் கூகுள்

எந்த மூலை முடுக்கில் இருந்தாலும் கண்டுபிடிக்கலாம்: வழி சொல்லும் கூகுள்

கூகுள் நிறுவனம் தனது கூகுள் மேப் அப்ளிகேஷனில் பயனுள்ள புதிய அப்டேட் ஒன்றை கொண்டுவந்திருக்கிறது.

கூகுள் நிறுவனத்தின் கூகுள் மேப் அண்மையில் பல புதிய அப்பேட்களை செய்து வருகிறது. பெண்கள் தினத்தை முன்னிட்டு பெண்கள் நடத்தி வரும் தொழில்களை பிரத்யேக குறியீடு ஒன்றின் மூலம் அடையாளப்படுத்தும் வசதியைப் புகுத்தியது அனைவரது கவனத்தையும் ஈர்த்தது.

தற்போது கூகுள் மேப்பில் முகவரி இல்லாத இடம் ஒன்றை எளிதாகப் பகிர்வதற்கான அம்சத்தை இணைத்துள்ளது. கிராமம் மற்றும் புறநகர்ப் பகுதிகளில் உள்ள அதிக பிரபலமில்லாத இடங்கள் கூகுள் மேப்பில் இல்லாமல் இருக்க வாய்ப்புண்டு. அப்படிப்பட்ட இடங்களை கூகுள் மேப்பில் தேடி கண்டுபிடிப்பது சாத்தியமே இல்லை.

இந்த குறையைப் போக்குவதற்காக எந்தவொரு முகவரி இல்லாத இடத்திற்கும் 10 இலக்கங்களில் ப்ளஸ் கோட் (Plus Code) என்ற எண்ணை அளிக்கிறது. ஒருவர் தனது நண்பர் ஒருவரை கூகுள் மேப்பில் முகவரி இல்லாத இடம் ஒன்றுக்கு வருவதற்கு வழி சொல்ல விரும்பினால், அந்த குறிப்பிட்ட இடத்தை மேப்பில் தேர்வு செய்து, அதன் ப்ளஸ் கோடை நண்பருக்கு அனுப்பினால் போதும். அதன் மூலம் கூகுள் மேப்பில் தேடும் போது முகவரி இல்லாத இடத்தை சரியாகக் எளிதில் கண்டுபிடித்துவிடலாம்.

இது இந்தியாவுக்கு மட்டுமே உள்ள வசதி என்பது குறிப்பிடத்தக்கது. இந்தியாவில் அதிக கவனம் செலுத்தி வரும் கூகுள் மேப், அதன் குரல் தேடல் வசதியில் தமிழ், குஜராத்தி, வங்காளம், கன்னடம், மலையாளம், தெலுங்கு உள்ளிட்ட பல இந்திய பிராந்திய மொழிகளையும் சேர்க்க உள்ளது.